چین میں ایک فیکٹری میں آگ لگنے سے 18 افراد ہلاک

مہر خبر رساں ایجنسی نے شنہوا کے حوالے سے نقل کیا ہے کہ چین میں ایک فیکٹری میں آگ لگنے کے نتیجے میں 18 افراد ہلاک اور متعدد زخمی ہوگئے۔ زخمیوں میں سے 2 افراد کی حالت تشویشناک بتائی جاتی ہے۔ یہ حادثہ چین کے صوبے شنیڈونگ میں اشیائے خوردونوش کی پیکنگ کرنے والے کارخانے میں پیش آیا۔ ابتدائی تحقیقات کے مطابق جس وقت کارخانے میں آگ لگی اس وقت وہاں 140 سے زائد افراد کام کررہے تھے تاہم فوری طورپر آگ لگنے کی وجہ معلوم نہیں ہوسکی۔ واضح رہے کہ چین کی فیکٹریوں میں حفاظتی انتظامات انتہائی ناقص ہونے کی وجہ سے اسں طرح کے واقعات دیکھنے میں آتے ہیں۔